TVB最佳女配角花曼王君馨打到呕大婆龚嘉欣哭到眼痛

艺人王君馨（Grace）及龚嘉欣于今年台庆颁奖礼获提名“最佳女配角”，当中Grace及嘉欣分别凭“惨情打女”花曼及“爆喊大婆”程思汝而被睇高一线，齐齐争奖！

饮可乐提神

Grace先将为演活剧集《城寨英雄》花曼一角而付出的辛酸娓娓道来，包括为角色束腰数月至20.5吋腰、拍打戏前只敢挨饿、甚至拍到入医院等等，她说：“我未发育前都21吋腰啦，我有时真系抖唔到气，食嘢又顶住个胃。有次由凌晨拍打戏拍到翌日下昼，我知一食饭就会呕番出黎，所以不停饮可乐提神。我拍完即刻入咗院，原来喉咙同个胃都发炎一段时间。”入行九年半的Grace透露入行初期因不适应环境而患抑鬱症，她称身为鬼妹仔的热情反而被批为人“好假”。

迟啲先有BB

但花曼一角令她“逼出”自信，故渴望凭此得奖以获大家的肯定：“我入行拍饮食节目时有抑鬱症，我觉得最唔容易系自己嘅热情会令大家觉得我好假同唔知想搏乜嘢。我真心唔知几时会有下一个花曼，我好需要大家继续畀支持我。经历咗花曼呢个角色令我成长，无论前一晚我喊咗几多，几想放弃都好，一着上戏服就要变得好自信。”交出代表作后的她决定下年结婚，她剖白背后原因，又谓结婚不会妨碍事业，但希望迟几年才生B：“我好爱佢，想喺佢辛苦时陪住佢。而且演艺工作令我去太远，我希望佢返嚟扯返我落嚟。（拍完代表作就安心结婚？）未㗎！我发觉依家先开启演员的世界，系迟咗啲！但我想一路进步，所以希望迟多几年先有BB。”

唔满意爆喊

至于入行八年的嘉欣，凭剧集《幕后玩家》中发现老公不忠后的出色喊戏而被观众力赞！她自爆为这一幕，喊到眼皮都损埋，她说：“直头喊到眼痛，可能眼泪太咸，令眼皮损损地！”虽然被赞喊得痛彻心扉，但嘉欣透露对自己要求甚高，自批喊戏未够完美：“我觉得爆喊嗰幕做得最差，拍完自己都好唔开心，因为喊到唔太讲到对白，所以之后见大家热烈讨论都觉得感觉唔真实！”

谈到她与王君馨被视作“女配”大热，嘉欣直言要自己保持信心：“每个演员都有优秀嘅地方，冇得比较。我有睇佢演出，明白拍打戏好辛苦。但我一定要对自己有信心，因为做事冇信心会令工作做得唔好。”