盘点周星驰那些年经典作品「盘点周星驰那些年经典作品」

讲到一代笑匠，周星驰（星爷）一定当之无愧！皆因佢拍过无数经典作品，至今仍令人津津乐道，而佢独特嘅表演风格、自创嘅对白真系无敌，每次大家都笑到喊呀！呢日，无綫“myTV SUPER”Facebook专页就修辑左周星驰多年嚟嘅经典作品，由当年嘅星仔变成今日嘅星爷，畀大家可以重温旧日佢嘅拍摄点滴，大家都话佢咁多年嚟都系每一位观众心中嘅萤火虫，一样鲜明出众，为观众带左好多笑声，难怪网民都话好想佢重返幕前做戏啦！

当年，周星驰喺1980年加入丽的电视，喺电视剧《IQ成熟时》做特约演员。到1982年入读无綫电视艺员训练班后，佢喺儿童节目《430穿梭机》同谭玉瑛姐姐做主持，畀大家叫做“星仔”。之后佢喺儿童单元剧《黑白僵尸》系列中扮演主角“黑僵尸”，同曾华倩、谭玉瑛姐姐嘅场口深受大家欢迎，绝对系成长喺八十年代小朋友嘅童年回忆。

然后，“星仔”亦开始拍剧生涯，喺最初嘅《香城浪子》、《射雕英雄传》等剧集中演小角色，直至1988年，佢开始喺剧集《大都会》有多啲重要戏份，其后更喺1989年嘅《盖世豪侠》中正式担正男一。相信剧中对白“饮啖茶食个包”，大家依家仍然记得！

后来，“星仔”亦有参与电影拍摄，仲凭电影《霹雳先锋》夺得台湾金马奖最佳男配角，慢慢升呢变成大家口中嘅“星爷”。而佢拍过嘅作品《师兄撞鬼》、《武状元苏乞儿》、《审死官》、《济公》、《大内密探零零发》等，都系大家不容错过嘅电影。好多网民都话睇完呢段片都话佢天生嘅喜感真系好正，仲话想即刻煲番佢啲戏，真系好挂住佢演戏呀！

网民有话儿：

ERIXXC BICX：想再睇星爷重回幕前做戏！

GIXAS MIVIDX：星爷冇得输。

WIMO NNCCX：星爷系漆黑中嘅萤火虫。

JJERX KLLICX：星爷喜感，真系好正！